A Universidade aposta pola visibilidade da innovación cunha xornada sobre a certificación e as dedución fiscais para o I+D+i

Novembro 19, 2008 at 10:26 am Deixar un comentario

gal1

Publicado no DUVI

M. Del Río | Vigo
A aposta pola transferencia de coñecementos e a política de fomento do I+D+i nas empresas precisa de medidas que fagan que estas políticas sexan atractivas para o tecido empresarial. As deducións fiscais dos gastos orixinados polos proxectos de I+D+i son un importante incentivo para a promoción da innovación empresarial e a Universidade, consciente disto, reuniu este martes a empresarios e investigadores nunha xornada sobre Proxectos empresariais de I+D+i na que se afondou na certificación e nas deducións nas contas de resultados.
Segundo salientou o director xeral de I+D+i da Xunta de Galicia, Salustiano Mato, “é imprescindible coñecer as necesidades dos empresarios para facer máis sinxela a comunicación e a cooperación”. Neste sentido, apuntou que queda moito por facer, xa que non son poucos os casos de empresas que “non son conscientes de estar desenvolvendo iniciativas innovadoras, susceptibles destas deducións nin tampouco coñecen as ferramentas e axudas públicas das que dispoñen, os seus requisitos e as súas exixencias. Neste sentido a aposta da Universidade é clara, explicou o vicerreitor de Investigación, Manuel Reigosa, “temos unha vocación social e de participación coa empresa no que demos en chamar a tripla hélice a través do I+D, poñendo en contacto grupos de investigación e empresas” pero tamén organizando xornadas deste tipo dando a coñecer as axudas públicas das que se poden beneficiar os emprendedores que aposten pola innovación.
O acto de apertura das xornada contou tamén coa presenza de Galo Gutiérrez, subdirector xeral adxunto de Fomento da Innovación Industrial do Ministerio de Ciencia e Innovación que salientou a importancia e o esforzo que supoñen este tipo de xornadas. “É moi importante que se consolide a transferencia entre a Universidade e a empresa que, ao fin, é quen crea riqueza e benestar e debe estar presente onde se xera o coñecemento”.

gal2

Ferramentas e incentivos
Ao longo da xornada, os asistentes puideron coñecer de preto as ferramentas que as administración públicas ofrecen para o fomento da innovación empresarial, por unha banda as certificacións e por outra as deducións fiscais. Segundo Salustiano Mato, “no campo das certificacións xa non podemos falar de futuro senón de presente, xa que son moitas as que se precisan para poder sacar adiante unha empresa e tarde ou cedo hannos pedir unha certificación de I+D para poder vender, xa que en moitos sectores que traballan a nivel internacional dáse por feito que a posúen”, explicou. Sobre as deducións, os director xeral puntualizou que se trata dun instrumento moi debatido na actualidade e que hai que potenciar para “intensificar e dar oportunidades a aqueles que aposten e invertan en I+D mediante estes beneficios fiscais”.

Por outra banda, Mato destacou a importancia da visibilidade, xa moito do esforzo realizado no campo da innovación non é visible, “máis aló dos beneficios ten que aflorar o I+D, é imprescindible que os empresarios visualicen que moito do quen fan nas súas empresas son investimentos innovadores.

gal3

Programa das xornadas
Ao longo da mañá expertos e especialistas na materia presentaron as diferentes ferramentas e axudas á innovación. Segundo Ángeles López, directora da Oficina de I+D, “as empresas deben incluír na súa planificación este punto de vista do I+D e tratar de xestionar moito mellor estas utilidades que teñen á súa disposición”. Entre elas, na xornada afondouse na norma UNE 166001:2006, da man de Francisco Domínguez, técnico superior de I+D da Universidade, así como no fomento da innovación empresarial mediante a incentivación fiscal, na elección da mellor alternativa entre os incentivos fiscais das actividades de I+D+i e nas axudas públicas ao fomentos das deducións. Para pechar o programa presentáronse dous casos prácticos de experiencias empresariais para coñecer a posta en práctica da certificación e aplicación de deducións fiscais.

Advertisements

Entry filed under: Uncategorized.

A Unidade de Cultura Científica na Radio Galega Entréganse na Coruña os Premios Xornalismo Científico 2008

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Trackback this post  |  Subscribe to the comments via RSS Feed


A Universidade de Vigo ven de crear coa axuda da Fundación Española de Ciencia y Tecnología (FECYT) a Unidade de Cultura Científica co obxectivo de apoiar a difusión, a comunicación e a divulgación dos resultados das investigacións científicas da nosa universidade. Esta nova unidade pretende actuar como intermediario entre a comunidade investigadora e a sociedade, estimulando o seu interese polo mundo da ciencia e a tecnoloxía e dotándoo de mecanismos cercanos e accesibles que os animen a profundizar nestas materias.

reto2030

reto2030

Artigos recentes


%d bloggers like this: